အင်တာဗျူး အပိုင်း (၂)

မေး - Language တစ်ခုကို လေ့လာတဲ့ နေရာမှာ Speaking Skill, Listening Skill, Reading Skill နဲ့ Writing Skill ဆိုပြီး (၄)ခု ရှိပါတယ်။ ဒီ Skill (၄)ခုလုံး ရအောင် ကျောင်းသားတွေကို ဘယ်လို "Teaching Method" မျိုးနဲ့ သင်ကြားတယ် ဆိုတာ သိပါရစေ။
ဖြေ - Four Skills ရအောင် ဘယ်လို Teaching Method မျိုးနဲ့ သင်ရမလဲ ဆိုတော့ ကမ္ဘာပေါ်မှာ လက်ရှိ အသုံးပြုနေတဲ့ Teaching Method က (၈)မျိုးလောက် ရှိပါတယ်။ အဲဒီအထဲမှာ Literature ကိုခံစားဖို့က Grammar Translation Method လို့ ခေါ်တယ်။ အဲဒါက Language နဲ့ သိပ်မဆိုင်ဘူး။ Literature နဲ့ အများအားဖြင့် ဆိုင်တယ်။ ကျန်တဲ့ ဟာတွေကတော့ Four Skills ရအောင် ဆရာ Direct Method ကို သုံးတယ်။
Direct Method နဲ့ Audio-lingual Method ဆိုတာ အချိတ်အဆက် ရှိပါတယ်။ နောက်တစ်ခါ Communicative Language သင်တယ်။ အဲဒီ Teaching Method တွေ အားလုံး ပေါင်းစပ်ပြီး စာသင်တဲ့အခါ သုံးရတယ်။ တိုက်ပွဲ တစ်ပွဲကို တိုက်သလိုပေါ့။ စစ်တိုက်နည်းကတော့ စာအုပ်ထဲမှာ တစ်ခုပြီး တစ်ခု ပြထားတာပဲ။ ဒါပေမယ့် လက်တွေ့ စစ်တိုက်တော့ ဒီတစ်ခုတည်းနဲ့ မရဘူး။ ဆရာတို့ လိုအပ်ရင် လိုအပ်သလို ပေါင်းစပ် သင်ရတယ်။ ဒီနေရာမှာ ဘာလိုမလဲ။ Total Physical Respond ဆိုရင် စကားလုံး သုံးပုံသုံးနည်းကို ခန္ဓာကိုယ်လှုပ်ရှားမှုနဲ့ Language နဲ့ သင်ပေးမယ်။ Community Language ဆိုရင် Language နဲ့ အသိုင်းအ၀ိုင်းလေး တစ်ခုဖြစ်အောင် ဖန်တီးပေး ရတာပေါ့။ Suggestopedia ဆိုတာ ကျောင်းသား သက်သောင့် သက်သာလေး နေရအောင် သီချင်းလေးတွေ ဘာလေးတွေနဲ့ သင်ရတယ်။ Silent way က ဆရာက အမူအရာလေးနဲ့ လုပ်ပြရင် ကျောင်းသားတွေက လိုက်ပြောတာမျိုး။ Audio-lingual ဆိုတာ ကျောင်းသားနဲ့ ဆရာ တိုက်ရိုက် အပြန်အလှန် ပြောလိုက် ဆိုလိုက်၊ ကျောင်းသား အချင်းချင်း ပြောလိုက် လုပ်ရတယ်။ Teaching Method က အများကြီးပဲ။ လိုအပ်ရင် လိုအပ်သလို ပေါင်းစပ် သင်ရတယ်။ ဘယ်ဟာလဲဆိုတာ ဆရာ အတိအကျ မပြောဘူး။ ဒါဟာ 'intuition' ပင်ကိုယ် အတွေ့အကြုံ အသိနဲ့လည်း ဆိုင်တယ်။
မေး - စာဖတ်ရာမှာ Reading Skill နားလည်စေဖို့နဲ့ တိုးတက်ဖို့အတွက် ဘယ်လို စာအုပ်မျိုးတွေ ဖတ်သင့်ပါသလဲ ဆရာ။ ဆရာ့ ကျောင်းမှာရော ဘယ်လို စာအုပ်မျိုးတွေကို ပြဌာန်း ထားပါသလဲ။

ဖြေ - Reading Skill နဲ့ ပတ်သက်လို့ကတော့ ဆရာ့ရဲ့ ဆရာကြီး ပြောသလိုပဲ ကိုယ်ကြိုက်တာ ကိုယ်ဖတ်ပေါ့။ လွယ်တာ၊ ကိုယ့်အတွက် နိုင်တာလေး စဖတ်ပေါ့။ ကျောင်းမှာ ဆရာနဲ့ ဖတ်တာတော့ ပြဿနာမရှိဘူး။ ဆရာနဲ့ ဖတ်ရင် ဆရာက ရှင်းပြတာကိုး။ ကိုယ့်ဘာသာ ကိုယ်ဖတ်တာတော့ တစ်ပိုင်းပေါ့။ လက်ရှိ ဆရာတို့ ကျောင်းမှာတော့ Junior Reading နဲ့ Senior Reading နှစ်တန်းခွဲ ထားတာကိုး။ Junior Reading လွယ်တဲ့ ထဲက Ladder Series လေးတွေ၊ Guided Reading လေးတွေ ဆရာက စီစဉ်ထားတဲ့ Level အလိုက် စာအုပ်လေးတွေ Level 1,2,3,4 အဲဒီလို ရှိတာပေါ့။ အဲဒီအထဲက သင့်တော်ရာလေးတွေ ရွေးသင်တယ်။ Senior Reading နဲ့ပတ်သက်လို့ကတော့ ဆရာမကြီး ဒေါ်ခင်မျိုးချစ် စာအုပ်တွေ အကုန် ပြဌာန်းပါတယ်။ တတ်ကျမ်းတွေ ဖြစ်တဲ့ Nepoleon Hill တို့ Dale Carnige တို့ရေးသွားတဲ့ စာအုပ်တွေ အဲဒါမျိုးတွေ ပြဌာန်းတယ်။ အဲဒါတွေက ကျောင်းသားတွေနဲ့ တိုက်ရိုက် သက်ဆိုင်တယ်။ English စာလည်းရမယ်။ သူတို့ဘ၀အတွက် တိုက်ရိုက်အသုံးကျတဲ့ အချက်အလက် တွေမို့လို့ အဲဒီစာအုပ်တွေ ဆရာ ပြဌာန်းခြင်း ဖြစ်ပါတယ်။

မေး - Writing Skill တိုးတက်ဖို့အတွက် ဘယ်လိုလေ့ကျင့်ရမယ်ဆိုတာ ညွှန်ပြပေးပါဆရာ။

ဖြေ - Writing Skill တိုးတက်ဖို့ဆိုတာက သူတို့ရဲ့ Language Theory ကိုက "Writing based on Speaking" ဖြစ်တယ်။ Speaking ကို အရင် နားလည်အောင် သင်ရတယ်။ သင်ပြီးမှ ပြောတဲ့စကားကို ထပ်ရေးခိုင်းတာ၊ ရေးခိုင်းတာကနေ စသင်ရတယ်။ အဲဒါမှ မြန်မြန် ရေးတတ်တယ်။ အဆင့်မြင့်မြင့် ရေးသွားတာ ဟိုဘက်ပုိုင်းမှာ flowery ဖြစ်အောင်၊ idiom တွေနဲ့ အလှအပရေးတာ၊ ဒါ literature ပိုင်း၊ ဆရာပြောတဲ့ Language ဆိုတာ တစ်ယောက်နဲ့ တစ်ယောက် ဆက်ဆံဖို့အတွက် ရေးရတော့ Speaking တတ်မှ ရေးလို့ရတယ်ပေါ့။ အဆင့်မြင့် Composition တွေ လုပ်တော့မယ် ဆိုရင် စာအုပ်တွေ အများကြီးဖတ်ရတော့မယ်။ ကိုယ်တိုင်လည်း စာရေးဆရာ တစ်ယောက်ရဲ့ ဟန်လေး၊ စတိုင်လေး နဲနဲယူမယ်ပေါ့။ ထုံးစံအတိုင်းတော့ ဆရာကြီးမင်းသုဝဏ် ပြောသလိုပေါ့။ `စု၊ တု၊ ပြု´ ပေါ့။ ပထမတော့ စာအုပ်တွေ အများကြီးဖတ်ရမယ်။ နောက်ကိုယ်တိုင် တုရတာပေါ့။ တုပြီးမှ ကိုယ်တိုင် ပြုစုရတာပေါ့။ အဲဒီလိုနဲ့ Writing Skill ကို တိုးတက်အောင် လုပ်ရပါတယ်။

မေး - အင်္ဂလိပ်စာကို လေ့လာနေတဲ့ ကျောင်းသားအများစုဟာ စာလုံးတစ်လုံးကို မြန်မာလို တစ်မျိုးတည်း မှတ်ထား တတ်ကြပါတယ်။ အင်္ဂလိပ်စာကို လေ့လာနေသူတွေ အနေနဲ့ English Myanmar အဘိဓါန်ကို အသုံးပြုသင့် ပါသလား။ English-to-English အဘိဓါန်ကိုပဲ အသုံးပြုသင့် ပါသလားဆိုတာ ရှင်းပြ ပေးပါဆရာ။

ဖြေ - English စာကိုသင်တဲ့အတွက် English-to-English ပဲကောင်းပါတယ်။ မြန်မာအင်္ဂလိပ်တွဲတာက Bilangual Dictionary လို့ခေါ်တယ်။ အဲ့ဒါတော့ ဘာသာပြန်သမားတွေ သုံးချင်လည်း သုံးပေါ့။ သို့သော် ဆရာတို့က English ဘာသာစကားကို လေ့လာ နေတဲ့အတွက် English-to-English Dictionary ပဲသုံးရမှာ ဖြစ်တယ်။ ဒါမှသာလျှင် စကားလုံး တစ်လုံးနဲ့တစ်လုံး ဆက်စက်မှုကို နားလည်မယ်။ စကားလုံးတွေကို လေ့လာတဲ့အခါ ”Words must be both acquired and mastered not in isolation, but in association" ဆိုတဲ့ စကားရှိတယ်။ စကားလုံး အဓိပ္ပါယ်တစ်မျိုးတည်း ပုံသေကျက်လို့ မရဘူး။ ဥပမာ-Myanmar Dictionary မှာ Book ကို စာအုပ်ပဲ ပေးထားတယ်။ ပြီးသွားပြီ။ စကားလုံးကုိုိ Isolation လုပ်လိုက်တာပဲ။ အဲဒီလိုသင်လို့ မရဘူး။ စကားလုံး တစ်ခုနဲ့ တစ်ခု အဆက်အစပ်နဲ့ သွားရမယ်။ အုပ်စုတူ တွဲရမယ်။ အမျိုးတူ တွဲရမယ်။ association နဲ့သွားရမယ်။ ဆရာ့ idea ကတော့ English - to - English ပဲဖတ်စေချင် ပါတယ်။

မေး - English စကားပြောရာမှာ ဟန်ပန်အမူအရာနဲ့ ပြောခြင်း (Gesture) နဲ့ အသံအတက်အကျ (Intonation)ကို ဂရုပြုရမယ်လို့ ဆိုကြပါတယ်။ မြန်မာမျိုးတွေအဖို့ ဒီဟန်ပန် အမူအရာတွေကို လေ့ကျင့်ဖို့ လိုပါသလား။ Myanmar Accent ကိုရော ပျောက်အောင် ကြိုးစားဖို့ လိုပါသလား။

ဖြေ - Gesture ဆိုတာ လူမျိုးတိုင်းမှာ ရှိပါတယ်။ ကိုယ်ပြောတဲ့စကားကို ကိုယ့်ဟန်ပန် အမူအရာနဲ့ ထပ်ပေါင်းစပ် တာဟာ လူတစ်ဖက်သားကို ငါးဆယ်ရာခိုင်နှုန်း နားလည်စေပါတယ်။ စကားတစ်လုံးမှ မပြောပဲ အမူအရာနဲ့တင် တော်တော် နားလည်နေပါပြီ။ Intonation ဆိုတာလည်း ကိုယ့် Feeling အပေါ် မူတည်တာကိုး။ ဒေါသထွက်ရင် ထွက်သလို၊ ၀မ်းနည်းရင် ၀မ်းနည်းသလို၊ လေသံ အနိမ့်အမြင့် လေးတွေ ရှိပါတယ်။ Original Intonation (English Intonation) အစစ်ရဖို့က မလွယ်ပါဘူး။ အတတ်နိုင်ဆုံး ကြိုးစားပေါ့။ နောက် Myanmar Accent ကို ပျောက်အောင် ကြိုးစားဖို့ မလွယ်ပါဘူး။ တရုတ်က အင်္ဂလိပ်လို ပြောလည်း တရုတ် Accent ပါမှာပဲ။ ဂျပန် ပြောလည်း ဂျပန် Accent ပါမှာပဲ။ ဂျာမန်ပြောလည်း ဂျာမန် Accent ပါမှာပဲလေ။ ပျောက်ဖို့ မလွယ်ဘူး။ ပင်ပန်းလွန်း အားကြီးပါတယ်။ မဖြစ်နိုင်တာကို သွားမလုပ်ပါနဲ့။ နောက်တစ်ခု ဆရာဖတ်ဖူးတဲ့ စာအုပ်တစ်အုပ်ထဲမှာ အဲဒီလို Accent အမျိုးမျိုးနဲ့ English လိုပြောတာကိုက အပြောင်းအလဲပါတဲ့။ ပိုတောင်ပျော်ဖို့ ကောင်းပါတယ်တဲ့။ ဆရာတို့ မြန်မာစကားကို ရှမ်းတွေက ရှမ်းသံဝဲ၀ဲနဲ့ ပြောမယ်။ ကရင်တွေက ကရင်သံဝဲ၀ဲနဲ့ ပြောမယ်။ မွန်တွေက မွန်သံဝဲ၀ဲနဲ့ ပြောမယ်ဆိုရင် ဘယ်လောက် ပျော်ဖို့ ကောင်းလိုက်မလဲ။ အဲဒီလိုပဲ English စကားကို English အသံ တစ်သံတည်းနဲ့ ပြောမယ်ဆိုရင် ပျင်းစရာကြီးပါတဲ့။

Read More at www.unisonity.net